الفنانة سميرة بلحاج: هذا هو الحوار الذي دار بيني وبين الملك

 

نشر سفيان البحري صاحب ومسير صفحة محبي الملك محمد السادس، على موقع التواصل الاجتماعي "فيسبوك" صورة للملك رفقة الفنانة المغربية سميرة بلحاج وزوجها اللبناني.

وكشف سفيان البحري عن الحوار الذي دار بين الفنانة سميرة بلحاج والملك محمد السادس، خلال مروره بشارع الزرقطوني بمدينة الدار البيضاء في الساعة الواحدة والنصف بعد منتصف ليلة أول أمس الخميس.

وفي هذا السياق، يقول البحري: "في اتصال هاتفي للفنانة المغربية المتألقة سميرة بلحاج، أخبرتنا مايلي: "كنت أنا وزوجي سامر فالسيارة وبان لينا الشارع فيه البوليس وعلى غير طبيعته وهو يقول ليا سامر، واقيلا سيدنا غادي يدوز من هنا، ماكاملاش خمس دقائق حتى كان حدانا، وأنا نقول لو الله يبارك فعمر سيدي".

وأضافت الفنانة المغربية: "بقينا غاديين معاه فالطريق وكانتكلمو، قلت لو أنا الفنانة سميرة بلحاج ومن بعد وقّف سيدنا سيارتو، هبطنا عندو وهو يسولني شنو كاتغني؟ قلت لو أنا صاحبة أغنية واعرة بلادي. تبسم وقال لي تبارك الله عليك، كلامو كان حنين ماتخيّلش الإحساس اللي حسيتو".

"زوجي قال ليه: أنا فرحان بزاف أول مرة نشوفك مباشرة، وسيدنا لاحظ اختلاف اللهجة ديال سامر وسول على الجنسية ديالو وقلنا لو لبناني" تتابع سميرة، قبل أن تضيف قائلة:"قلت لو عندي جوج بنيتات، وريتو صورة بنتي فالبورطابل، قال ليا شحال عندها - خصّك تشوف الحنان للي كان فصوتو وهو كايسوّل على عمر بنتي، حنان مافحالو حنان - قلت لو عندها 7 سنين والثانية يلاّه ولدتها هادي 15 يوم،... خدينا صورة تذكارية مع ملكنا وشفت أحسن شخص فالعالم بطيبتو وقلبو الكبير".